کرگل ؍؍محکمہ شیپ ھسبنڈیری کرگل کی جانب سے آج سبکدوش ہوئے ڈائریکٹر شیپ ھسبنڈیری اینڈفشریزیوٹی لداخ ڈاکٹرمحمد رضاعباسی کے اعزازمیں ایک الوداعی پارٹی کا اہتمام کیا گیا۔اس سلسلے میں ڈسٹرکٹ شیپ ھسبنڈیری آفس برومیں ایک الوادعی تقریب منعقدہوئی۔جس میں سبکدوش ہوئے ڈائریکٹر ڈاکٹر محمدرضاعباسی ،ڈسٹرکٹ شیپ ھسبنڈیری آفیسر ڈاکٹر نیازالحسین اور متعلقہ محکمہ کے دیگراعلیٰ آفیسران اور اہلکاروں کی کثیر تعدادموجودتھے ۔اس موقع پر ڈسٹرکٹ شیپ ھسبنڈیری آفیسرکرگل ڈاکٹر نیازالحسین اوردیگر لوگوں نے اس الوداعی تقریب میں سبکدوش شدہ ڈائریکٹر کی خدمات کو سراہتے ہوئے ان کے محکمہ کی ترقی اور بہبودی کی خاطر کی گئی کوششوں اور اقدامات کویادکرکے انھیں ایک قابل اور ملازم دوست آفیسر قراردیا ۔مقریرین نے سبکدوش شدہ ڈائریکٹر کی ملازمت کے دوران ان کے فرائض منصبی کااحساس کرتے ہوئے ان کی قابلیت ذہانت اور دیانتداری کاکارنامہ کو بھی خراج تحسین اداکیا ۔تقریب کے آخر پر بلاک ویٹرنری آفیسر(BVO) ڈاکٹر ذاکر نے کلمات تشکر پیش کرتے ہوئے اس الوداعی تقریب میں شامل لوگوں کوالوداعی تقریب کو کامیاب بنانے پر شکریہ اداکیا ۔ واضح رہے ڈاکٹر رضاعباسی ڈائریکٹر شیپ ھسبنڈیری اینڈفشیریزیوٹی لداخ کی عہدے سے اپنے ملازمت کی میعادپوراکرکے سبکدوش ہوئے تھے ۔جس کی عزت افزائی کے لئے آج محکمہ شیپ ھسبنڈیری کرگل کی جانب سے ایک الوداعی پارٹی کا اہتمام کیا گیا ۔جس کے بعد سبکدوش ہوئے ڈائریکٹر کوڈسٹرکٹ شیپ ھسبنڈیری آفس بروسے گاڑیوں کے قافلے کی صورت میں ان کی رہائش گاہ واقع کرگل بازارمیں لے جایاگیا ۔جہاں پر مقامی لوگوں نے ان انہیں روایتی کھتک پہناکر سبکدوش شدہ ڈائریکٹر کا والہانہ استقبال کیا گیا ۔
