سرینگر// بانی اسلام کشمیر اور محسن کشمیر حضرت شاہ ہمدان عرس مبارک نہایت عقیدت واحترام کے ساتھ منایا گیا۔اِس سلسلے میں بڑی تقریب تاریخی خانقاہ معلی میں ہوئی جہاں دن بھر، درود اذکار اور مولود خوانی کی مجالس میں مختلف علاقوںسے آئے ہوئے عقیدتمندوں نے شرکت کی۔عرس کے دوران فرزندانِ توحید نے خانقاہ معلی میں حاضری دی اور روح پرورمجالس میں حصہ لے کر توبہ استغفار اور خطمات المعظمات کی مجلسوں میں محور رہے۔ اس موقعہ پر نماز پنجگان پر تبروکات کی جلوہ نمائی بھی کی گئی۔خا نقا ہ محلہ کے باہر سڑکوں گلی کوچوں میںگاڑیوں کی قطاریں دیکھنے کو ملیں ا۔ یہاں دوپہر سے قبل ہی لوگ صفوں میں بیٹھے درور و اذکار میں محو تھے جن میں خواتین کی بھی ایک بھاری تعداد شامل تھی جو اپنے مخصوص انداز میں اللہ تعالیٰ کے حضور دعائیں مانگتی رہیں اورتپتی دھوپ کے بیچ نماز ادا کی۔ ادھر ترال بالا میں قائم خانقاہ فیض پناہ ترال میں امیر کبیر سید علی ہمدانیؒکے سالانہ عرس پاک کے موقعہ پر انتظا میہ کی وجہ سے کو ئی تقریب منعقد نہیں ہوسکی جس پر لوگوں نے سخت ناراضگی کا اظہار کیا ہے۔ادھر آثار شریف شہری کلاش پورہ ، جناب صاحب صورہ ، زیارت دستگیر صاحب سرائے بالا میں خصوصی تقاریب کا انعقاد کیا گیا جبکہ وادی کے دیگر قصبہ جات میں کعبہ مرگ، کھرم سرہامہ ، اسلام آباد ، ڈورو،سیر ہمدان ، وچی ، اہم شریف بانڈی پورہ ، بڈگام ، کپوارہ ، بارہمولہ ، ہندوارہ ، شامل ہیں میں عرس مبارک کے سلسلے میں روح پرور مجالس کا اہتمام ہوا جن میں حضرت امیر کبیر ؒ کی تعلیمات اور دین کے تیئں ان کی خدمات کو زبردست خراج عقدیت پیش کیا گیا۔سوناواری، بڈ گام ، گاندبل اور کنگن میں خصوصی تقاریب کا انعقاد کیا گیا۔ جموں صوبے کے راجوری ، پونچھ ، کشتواڑ ، ڈوڈہ اور دیگر مسلم علاقوں کے ساتھ لہیہ لداخ میں بھی عرس پاک کی مناسبت سے تقاریب کا انعقاد کیا گیا۔
