نئی دہلی میں آج وزیر داخلہ کی صدارت میں میٹنگ
سرینگر / یکم جنوری //جموں کشمیر کی مجموعی سیکورٹی صورتحال اور ترقیاں کاموں کا جائزہ لینے کیلئے وزیرداخلہ امیت شاہ کی سربراہی میں آج نئی دلی میں ایک اعلیٰ سطحی میٹنگ منعقد ہونے جا رہی ہے ۔ میٹنگ میں جموں و کشمیر کے لیفٹنٹ گورنر منوج سنہا ، چیف سیکرٹری اور پولیس سربراہ کے علاوہ حکومت ہند کے دیگر سینئر افسران بشمول فوج، سی اے پی ایف اور دیگر ایجنسیوں کے افسران نے شرکت کریں گے۔ سٹار نیوز نیٹ ورک کے مطابق وزیر داخلہ امیت شاہ آج یعنی منگل کو نئی دلی میں ایک اعلیٰ سطحی سیکورٹی میٹنگ کی صدارت کی جس میں جموں کشمیر کی سیکورٹی صورتحال کا جائزہ لیا گیا۔ میٹنگ میں جموں و کشمیر کے لیفٹیننٹ گورنر منوج سنہا اور حکومت ہند کے دیگر سینئر افسران بشمول فوج، سی اے پی ایف اور دیگر ایجنسیوں کے افسران نے شرکت کریں گے ۔میٹنگ کے دوران وزیر داخلہ سیکورٹی گرڈ کو مزید مضبوط بنانے سیکورٹی گرڈ کے کام کاج کا جائزہ لیں گے ۔یہاں یہ بات قابل ذکر ہے کہ پونچھ میں فوجی گاڑی پر حملے میں پانچ فوجی اہلکاروں کی ہلاکت کے بعد جہاں وزیر دفاع راجناتھ سنگھ اور فوجی سربراہ جنرل منوج پانڈے نے پونچھ کا دورہ کرکے سیکورٹی صورتحال کا جائزہ لیا وہیں اب جموں کشمیر میں تشدد آمیز واقعہ کے بعد وزیر داخلہ امیت شاہ بھی سیکورٹی صورتحال کا جائزہ لیں گے جس دوران لیفٹنٹ گورنر منوج سنہا او ر پولیس سربراہ آر آر سوین انہیں سیکورٹی صورتحال کے بارے میں تفصیلی جانکاری دیں گے ۔
