سرینگر/18اگست//چودھری ذوالفقار علی کی بی جے پی میں شمولیت پر انہوں نے کہا کہ وہ جموں و کشمیر کے عظیم سیاسی رہنما ہیں۔ ہم انہیں بی جے پی میں خوش آمدید کہتے ہیں اور ان کی شمولیت سے بی جے پی کو تقویت ملے گی۔وائس آف انڈیا کے مطابق جموں و کشمیر کے سابق وزیر چودھری ذوالفقار علی آج بی جے پی میں شامل ہو گئے۔ جموں میں بی جے پی کے دفتر میں سینئر لیڈروں کی موجودگی میں پارٹی میں شمولیت اختیار کی۔ بی جے پی میں شامل ہوتے ہی انہوں نے کہا کہ بی جے پی کی پالیسیوں نے انہیں اپنی طرف متوجہ کیا۔ ہم آرام سے حکومت بنانے جا رہے ہیں۔ میرے خیال میں بی جے پی ہی عوام کے پاس واحد آپشن ہے جو انہیں انصاف دلا سکتی ہے۔پی ڈی پی کے سابق لیڈر چودھری ذوالفقار علی نے کہا کہ بی جے پی کی پالیسیاں اور اسکیمیں قطار میں کھڑے آخری شخص تک پہنچی ہیں۔ ان چیزوں نے مجھے بی جے پی میں شامل ہونے پر مجبور کیا۔ ہر شخص کو ’ہیلتھ کارڈ‘ مل گیا۔ جسے میرے علاقے کے لوگ ‘مودی کارڈ’ کہتے ہیں۔انہوں نے مزید کہا کہ جموں و کشمیر میں امن بحال ہوا ہے اور پتھراؤ ختم ہو گیا ہے۔ عام آدمی زیادہ محفوظ محسوس کر رہا ہے اور سیاحت کی صنعت نے ترقی کی ہے۔ ہم اپنی حکومت بنائیں گے۔ اس نے جموں و کشمیر کے لیے کیا کیا ہے؟ 70 سال حکومت کرنے کے بعد صرف نعرے ہی دیتے رہے ہیں۔اس موقع پر جموں و کشمیر بی جے پی کے صدر رویندر رینا نے کہا کہ بی جے پی پوری طاقت کے ساتھ الیکشن لڑے گی۔ جموں و کشمیر کے لوگ بی جے پی کو بھاری ووٹ دیں گے اور ہم حکومت بنائیں گے۔ جموں میں بی جے پی اپنے طور پر الیکشن لڑے گی اور کشمیر میں بی جے پی کچھ آزاد امیدواروں کے ساتھ مل کر الیکشن لڑ سکتی ہے۔ ہم جموں میں کسی سیاسی پارٹی کے ساتھ اتحاد نہیں کریں گے۔نیشنل کانفرنس لیڈر عمر عبداللہ کے مبینہ تبصروں پر جموں و کشمیر کے بی جے پی انچارج ترون چْگ نے کہا کہ وہ عوام میں الجھن پیدا کرنے کی کوشش کر رہے ہیں۔ عوام پہلے ہی اسے عبرتناک شکست دے چکے ہیں۔ آرٹیکل 370 کبھی واپس نہیں آئے گا۔ جموں و کشمیر کے سابق وزیر چودھری ذوالفقار علی کی بی جے پی میں شمولیت پر انہوں نے کہا کہ بی جے پی آگے بڑھ رہی ہے۔ لوگ پی ایم مودی کی حمایت میں کھڑے ہیں۔ جموں و کشمیر ہندوستان کے سیاحتی دارالحکومت کے طور پر ابھرا ہے۔
