سیاحتی استقبالیہ مرکز کا کیا افتتاح:مشیر بصیر احمد خان

بانڈی پورہ /: لیفٹیننٹ گورنر کے مشیر بصیر احمد خان نے ضلع بانڈی پورہ کا وسیع دورہ کیا اور کئی عوامی وفود سے ملاقات کے علاوہ مختلف جاری ترقیاتی کاموں کا جائیزہ لیا جس میں ڈیساسٹر تخفیف کی کوششوں ، پی ڈی ڈی کی موسم سرما کی تیاری اور 75 ویں یومِ آزادی کے انتظامات پر خصوصی توجہ شامل ہے ۔ مشیر کے ہمراہ چیئر مین ڈسٹرکٹ ڈیولپمنٹ کونسل عبدالغنی ، ڈپٹی کمشنر ڈاکٹر اویس احمد ، سینئر سپراِنٹنڈنٹ پولیس محمد زاہد ، ڈائریکٹر رورل ڈیولپمنٹ کشمیر طارق احمد زرگر ، ڈائریکٹر فلوریکلچر فاروق راتھر ، ایم ڈی سیاحت سید فخر الدین ، ایس ای کے پی ڈی سی ایل ، ایگزیکٹو انجینئر ، ضلعی افسران ، ڈی ڈی سی ممبران ، بی ڈی سی چئیر پرسن ، چئیر مین اربن لوکل باڈیز اور ضلع کے دیگر سینئر افسران تھے ۔ مشیر نے ضلع میں جاری کئی ترقیاتی کاموں کا معائینہ کیا جن میں سڑکیں ، رسیونگ سٹیشن ، دیہی ترقیاتی کام ، کٹائی کے ٹینک ، سیاحتی سہولیات وغیرہ شامل ہیں ۔ انہوں نے وُلر ونٹیج پارک گرورہ کے قریب سیاحوں کے استقبالیہ مرکز کا افتتاح کیا اور سیاحت کے شعبے کو فروغ دینے کیلئے ضلع میں تیار کئے جانے والے بنیادی ڈھانچے کا جائیزہ لیا ۔ انہوں نے افسران کو ہدایت دی کہ وہ سیاحوں کیلئے ایک اچھی طرح سے لیس انفارمیشن سنٹر رکھیں تا کہ ٹی آر سی سیاحوں کو بانڈی پورہ میں قیام کے دوران سہولت دے سکے اور یہ مقامات انہیں ٹریکنگ ، سیاحتی ورثہ ، زیارت سیاحت اور وادی گریز میں پُر کشش مقامات کے بارے میں معلومات فراہم کرے گا ۔ مشیر نے سیاحت اور فلوریکلچر کے افسران کو مزید ہدایت دی کہ وہ وُلر جھیل کے کنارے باڑ لگانے کے ساتھ ساتھ ویو پوائنٹس کی تعمیر اور پارکوں کی زمین کی تزئین کے حوالے سے تفصیلی پروجیکٹس رپورٹس لائیں ۔ انہوں نے کہا کہ وہ وُلر جھیل میں سیاحوں کی توجہ کے طور پر پانی کی کھیلوں کی سرگرمیوں کو شامل کرنے اس کے علاوہ ضلع بانڈی پورہ میں سیاحت کے شعبے کو فروغ دینے کا ایک جامع منصوبہ تیار کریں ۔ مشیر نے کہا کہ ضلع میں سیاحت کے بہت زیادہ امکانات ہیں انہوں نے ڈائریکٹر سیاحت اور ڈائریکٹر فلوریکلچر کو ہدایت دی کہ وہ وُلر جھیل کے ارد گرد پارکوں کے قیام کیلئے بانڈی پورہ کا دورہ کریں اور ڈی ڈی سی بانڈی پورہ کی مشاورت سے ضلع میں نئے سیاحتی مقامات کی تلاش کریں ۔ انہوں نے پہلے سے تیار کردہ تجویز کے مطابق پی ڈبلیو ڈی اور سیاحت کے محکموں کی جانب سے وُلر بلیوارڈٖ روڈ کی مانگ کو فوری طور پر پورا کرنے پر زور دیا ۔ مشیر نے سنبل میں زیر تعمیر رسیونگ سٹیشن کا بھی معائینہ کیا ۔ انہوں نے افسران پر زور دیا کہ وہ کام کی رفتار کو تیز کریں اور اس منصوبے کو مکمل کرنے کیلئے 30 ستمبر کی آخری تاریخ مقرر کریں ۔ بعد میںمشیر بصیر خان نے یومِ آزادی کی تقریبات کے انتظامات کا جائیزہ لینے کیلئے افسران کی ایک میٹنگ کی صدارت کی اور اس سلسلے میں کئے گئے مختلف انتظامات کا تفصیلی جائیزہ لیا ۔ کووڈ تخفیف کی کوششوں کا جائیزہ لیتے ہوئے مشیر نے افسران کو ہدایت دی کہ وہ ضلع میں صد فیصد ویکسی نیشن کو یقینی بنائیں ۔ اس کے علاوہ کسی بھی ہنگامی صورتحال سے نمٹنے کیلئے ایک قابلِ عمل پلان تیار کرنے پر زور دیا ۔ مشیر نے کئی وفود کے ساتھ ملاقات کی اور اُن کے مسائل و مطالبات کے بارے میں آگاہی حاصل کی ۔ جس کے ردِ عمل میں مشیر نے اُن کے جائیز مسائل کو مرحلہ وار طور پر حل کرنے کی یقین دہانی کرائی ۔ انہوں نے متعلقہ محکموں کے افسران کو مقررہ وقت پر جاری کاموں کی تکمیل کیلئے ہدایات جاری کیں ۔ مشیر بصیر خان نے کہا کہ حکومت نے پی آر آئی کو بااختیار بنایا ہے اور انہیں اپنے اختیارات کو جاری ترقیاتی کاموں کی نگرانی کیلئے استعمال کرنا چاہئیے اور انہیں زمین پر سرکاری سکیموں کی منصوبہ بندی اور ان پر عملدرآمد میں حصہ لینا چاہئیے ۔ انہوں نے مزید کہا کہ پی آر آئی حکومت اور عوام کے درمیان پُل کا کام کر رہے ہیں اور تمام شعبوں میں ترقی کی رفتار میں اضافہ ہوا ہے ۔