وادی میں خودکشی کا نہ تھمنے والا سلسلہ جاری
سرین//واگورہ بارہمولہ اور قاضی گنڈ میں 24سالہ لڑکے اور 25سالہ لڑکی نے مبینہ طور پر پھانسیاں دے کر اپنی زندگیوں کا خاتمہ کردیا۔ کے این ایس کے مطابق واگیلا واگورہ بارہمولہ میں بدھوار کی صبح ایک 24سالہ لڑکے نے گھر میں پھانسی کا پھندا لگاکر زندگی کا خاتمہ کردیا۔ مذکورہ لڑکا جب اپنے کمرے سے دیر تک نہیں نکلا تو افراد خانہ کو تشویش لاحق ہوگئی۔ افراد خانہ نے کمرے کا دروازہ کھٹکھٹایا تاہم وہاں سے کوئی آواز نہیں آئی۔ اس موقعہ پر افراد خانہ نے کمرے کا دروازہ توڑ ڈالا اور ان پر اُس وقت قیامت ٹوٹ پڑی جب انہوںنے اپنے لڑکے کو لٹکتے ہوئے پایا۔پولیس نے مذکورہ لڑکے کی لاش کا پوسٹ مارٹم کرکے اور قانونی لوازمات پورا کرنے کے بعد میت کو لواحقین کے سپرد کردی۔ خودکشی کے واقعہ کے سلسلہ میں پولیس تھانہ کریری میں کیس درج کرکے تحقیقات شروع کی ہے۔ادھر بمتھن قاضی گنڈ میں گزشتہ شام 25سالہ لڑکی نے پھانسی کے پھندے پر لٹک کر اپنی جان دے دی۔ افراد خانہ نے مذکورہ لڑکی کو ہسپتال پہنچایا تاہم ڈاکٹروںنے اسے مردہ قرار دیا۔ اس دوران پولیس نے کیس درج کرکے معاملہ کی تحقیقات شروع کی ہے۔
