سری نگر//بدھ کو جے اینڈ کے بورڈ آف اسکول ایجوکیشن (JKBOSE) نے بدھ کی سہ پہر10ویں جماعت کے نتائج کا اعلان کر دیا،جس میں طلاب کے کامیاب ہونے کی شرح78فیصد رہی ۔جے کے این ایس کے مطابق 10ویں جماعت کے سالانہ باقاعدہ امتحان2021کے نتائج کا علان کیا گیا۔جے اینڈ کے بورڈ آف اسکول ایجوکیشن کے اعلان کردہ نتائج کے مطابق78 فیصد طلباء کامیاب ہوئے ہیں۔ کامیابی کے معاملے میں بھی طالبات نے طلباء کو ایک بار پھر پیچھے چھوڑ دیا جبکہ نجی ا سکولوں نے کاکردگی کے معاملے میں سرکاری اسکولوں کو پیچھے چھوڑ دیا۔اعداد و شمار کے مطابق،گزشتہ برس کے اواخرمیں ہونے لئے گئے دسویں جماعت کے ریگولر امتحان میں شامل ہونے والے72ہزار684امیدواروں(طلباء وطالبات ) میں سے کل78.43فیصد نے امتحان پاس کیا ہے۔طالبات میں کامیابی کی شرح 78.74فیصدرہی جبکہ78.14فیصدطلباء نے امتحان میں کامیابی حاصل کی۔ پرائیویٹ ا سکولوں کے نتائج91.18فیصد جبکہ سرکاری ا سکولوں طلبہ کے پاس ہونے کی شرح 67.25فیصد درج کی گئی۔جے اینڈ کے بورڈ آف اسکول ایجوکیشن (JKBOSE)کے اعداد و شمار کے مطابق، کل سرکاری اسکولوں کے کل38ہزار721 طلباء وطالبات نے امتحان دیا تھا جن میں سے 26ہزارطلبہ پاس ہوئے ہیں جب کہ نجی یاپرائیویٹ ا سکولوں کے33ہزار963 طلباء وطالبات میں سے 30ہزار967طلبہ امتخان میں کامیاب ہوئے ہیں۔
