مسلح افواج میں خواتین افسران کی شمولیت سے ہندوستان کی طاقت میں اضافہ ہوگا۔ مودی

کارگل ۔25؍ اکتوبر۔ ایم این این۔ مرکز کی طرف سے مسلح افواج میں اصلاحات کو اجاگر کرتے ہوئے، وزیر اعظم نریندر مودی نے کہا ہے کہ خواتین افسران کی شمولیت سے ملک کی طاقت میں اضافہ ہوگا۔ وزیر اعظم پیر کو فوجیوں کے ساتھ دیوالی منانے کے لیے کارگل پہنچے تھے ۔ وزیر اعظم مودی نے کہا، "میرے لیے، آپ سبھی برسوں سے میرا خاندان ہیں۔ کارگل میں اپنے بہادر جوانوں کے ساتھ دیوالی منانا ایک اعزاز کی بات ہے۔گزشتہ آٹھ سالوں میں، ہم نے مسلح افواج میں اصلاحات کے نفاذ پر زور دیا ہے۔ ہم نے خواتین کے لیے افواج میں جگہیں کھولی ہیں۔ خواتین کی طاقت سے ہماری مسلح افواج مضبوط ہوں گی۔ وزیراعظم نے کہا کہ مسلح افواج ملک کے تحفظ اور سلامتی کا ستون ہیں۔ ایک قوم تب محفوظ رہتی ہے جب سرحد محفوظ ہو، معیشت مضبوط ہو اور معاشرہ اعتماد سے بھرا ہو۔ ہندوستان کی خواہش ہے کہ روشنیوں کا یہ تہوار عالمی امن کے لیے راہ ہموار کرے۔انہوں نے کہا کہ یہ اس لیے ہے کہ مسلح افواج سرحدوں کی حفاظت کر رہی ہیں کہ ہر شہری ہندوستان میں سکون سے سوتے ہیں۔کارگل کی اس فاتح سرزمین کی طرف سے، میں اہل وطن اور دنیا کو دیوالی کی بہت بہت مبارکباد دیتا ہوں۔