اسری نگر:جموں و کشمیر نے ہفتہ کو ایک اہم سنگ میل حاصل کیا جب اسے آیوشمان بھارت ہیلتھ اکاؤنٹ (ABHA) ( آبھا)شناختی کارڈ کی سب سے زیادہ تعداد اندراجکرنے کے لیے پہلا انعام دیا گیا، اور اسے ٹیلی مواصلات کیلئے دوسرا انعام سے نوازہ گیا۔ایوارڈ مرکزی وزیر صحت اور ایف ڈبلیو ڈاکٹر بھارتی پروین پوار نے یو ایچ سی ڈے، 2022 کے جشن کے دوران پیش کیا جو 10 اور 11 دسمبر کو بین الاقوامی تعاون اور کنونشن سنٹر، وارانسی، اتر پردیش میں منایا جا رہا ہے۔ قومی صحت مشن نے ایک ٹویٹ میں کہا کہ جموںو کشمیرنے سب سے زیادہ تعداد میںآبھا شناختی کارڈ بنانے کے زمرے میں پہلا انعام اور یو ایچ سی ڈے پر ٹیلی کنسلٹیشن کی سب سے زیادہ تعداد کے لیے دوسرا انعام دیا گیا ۔ یہ ایوارڈ مرکزی صحت اور ایف ڈبلیو وزیر نے آج وارانسی، اتر پردیش میں پیش کیا۔آیوشمان بھارت ہیلتھ اکاؤنٹ ایڈریس ایک منفرد شناخت کنندہ (خود ساختہ صارف نام) ہے جو کسی کو اپنے صحت کے ریکارڈ کو ڈیجیٹل طور پر شیئر کرنے اور ان تک رسائی کے قابل بناتا ہے۔تقریب میں یوپی کی گورنر آنندی بین پٹیل، صحت اور خاندانی بہبود کے مرکزی وزیر منسکھ منڈاویہ، مختلف ریاستوں اور مرکز کے زیر انتظام علاقوں کے وزرائے صحت، صحت اور خاندانی بہبود کی وزارت کے سینئر افسران، ریاستوں، مرکز کے زیر انتظام علاقوں اور ترقیاتی شراکت داروں نے شرکت کی۔سیکرٹری صحت بھوپندر کمار کی قیادت میں جموں و کشمیر صحت کے اشاریوں کو بہتر بنانے میں بہترین کارکردگی کا مظاہرہ کر رہا ہے۔ڈاکٹر محمد شفیع کوکا ،ریاستی نوڈل آفیسر نیشنل ہیلتھ مشن نے ان کی جانب سے صحت اور خاندانی بہبود کے مرکزی وزیر سے ایوارڈ وصول کیے جنہوں نے صحت کی دیکھ بھال کی فراہمی کے نظام میں سنگ میل حاصل کرنے کے لیے ذاتی طور پر جموں و کشمیر کے یو ٹی کو مبارکباد دی۔ اس موقع پر ڈاکٹرکوکا نے کو بتایا کہ انہوں نے صحت کے ریکارڈ کو ڈیجیٹلائز کیا جس میں ٹیلی کنسلٹیشن بھی شامل ہے جس سے لوگ فوائد حاصل کر رہے ہیں۔انہوں نے کہا کہ اگر کوئی مریض دور دراز سے سری نگر کے اسپتال میں سرجری کے لیے آرہا ہے تو اسے اپنے علاقے کے مقامی ڈاکٹر کے پاس رپورٹ کرنے کو کہا جاتا ہے جس کے بعد وہ ڈاکٹر اصل رپورٹ سری نگر کے ڈاکٹر کو بتاتا ہے اور ٹیلی کنسلٹیشن کے ذریعے کیا جاتا ہے۔ اس طرح یہ عمل مریضوں کو وقت اور دیگر سفر کے لحاظ سے زیادہ فائدہ دیتا ہے۔انہوں نے مزید کہا کہ جموں و کشمیر کے ذریعہ لگ بھگ 16 لاکھ آیوشمان بھارت ہیلتھ اکاؤنٹ ( آبھا ) کارڈ بنائے گئے ہیں۔
