سرینگر//ریڈ بگ ماگام مختصر گولیوں کے تبادلے کے بعد مین چوک بڈگام میں فوج و فورسز اور جنگجوئوں کے مابین مختصر شوٹ آوٹ میں دو مقامی لشکر جنگجو جاں بحق ہو گئے ۔ پولیس نے جھڑپ کی تصدیق کرتے ہوئے بتایا کہ مارے گئے ملی ٹنٹوں سے اسلحہ و گولہ بارود بھی بر آمد کر لیا گیا ہے ۔ سی این آئی کے مطابق وسطی ضلع بڈگام میں کورٹ کمپلکس کے نزدیک ایک مختصر جھڑپ میں لشکر سے وابستہ دو جنگجوجاںبحق ہو گئے ۔ ذرائع سے معلوم ہوا ہے کہ دو جنگجو ایک گاڑی میں سوار تھے اور جونہی کورٹ کے نزدیک موجود ناکہ پارٹی نے گاڑی کو روکنے کا اشارہ کیا تو وہاں گاڑی میں سوار ملی ٹنٹوں نے ناکہ پارٹی پر فائرنگ کی جس کے ساتھ ہی وہاں تعینات پولیس اور فوج کی مشتر کہ پارٹی نے جوابی کارورائی کرتے ہوئے مورچہ سنبھالا اور واپس فائرنگ کی ۔ ذرائع کے مطابق علاقے میں کچھ منٹوں تک فائرنگ کا تبادلہ جاری رہا اور جونہی فائرنگ روک گئی تو وہاں جھڑپ کے مقام سے دو جنگجوئوں کی نعشیں بر آمد ہوئی ۔ دونوں جنگجوئوں کی شناخت عرباز میر اور شاہد شیخ کے بطور ہوئی ہے ۔ معلوم ہوا ہے کہ دونوں مارے گئے ملی ٹنٹوں سے اسلحہ و گولہ بارود بھی ضبط کر لیا گیا ہے ۔ پولیس نے اس کی تصدیق کرتے ہوئے بتایا کہ جھڑپ میں دو ملی ٹنٹ مارے گئے جن کا تعلق عسکری تنظیم لشکر طیبہ سے ہے ۔ کشمیر پولیس زون نے ٹویٹر پر ایڈیشنل ڈائریکٹر جنرل آف پولیس کشمیر وجے کمار کا حوالہ دیتے ہوئے لکھا بڈگام میں مارے گئے دو نوں ملی ٹنٹ کا تعلق عسکری تنظیم لشکر طیبہ سے ہے اور دونوں ریڈبگ علاقے میں جھڑپ کے دورا ن فرار ہو گئے تھے ۔ اے ڈی جی پی وجئے کمار نے بتایا کہ مارے گئے ملی ٹنوں کی شناخت عرباز میر اور شاہد شیخ کے بطور ہوئی ہے اور دونوں پلوامہ کے رہائشی ہے اور ان کا تعلق عسکری تنظیم لشکر سے ہیں ۔
