سری نگر/02؍مارچ
سیکرٹری ثقافت ڈاکٹر سیّد عابد رشید شاہ نے کہا کہ ثقافتی ورثہ کسی بھی معاشرے کی روح ہوتی ہے اور ضرورت اِس بات کی ہے کہ اسے صحیح تناظر میں پیش کیا جائے۔
اُنہوں نے اِن باتوں کا اِظہا رآج یہاں جموںوکشمیر اکیڈیمی آف آرٹ ، کلچر اینڈ لنگویجز کے زیر اہتمام ٹیگور ہال میں 8روزہ تھیٹر فیسٹول کشمیر کا اِفتتاح کرتے ہوئے کیا۔
ڈاکٹر سیّد عابد رشید شاہ نے کہا کہ ہمارے پاس ایک بھرپور ثقافتی ورثہ ہے اور اس کے تحفظ اور فروغ کی ذمہ داری مجموعی طو رپر معاشرے پر عائد ہوتی ہے ۔اُنہوں نے کہا کہ فن ، ثقافت اور زبانوں کے احیاء کے لئے چیلنجوں کا سامنا ہیں لیکن ہمیں اِجتماعی طور پر کام کرنا ہوگا اور بہتر طریقے سے حل تلاش کرنا ہوگا۔
اُنہوں نے کہا کہ وقت کے ساتھ ساتھ اَپنی سوچ کو بدلنے او رنوجوان نسل کی باریکیوں ، تقاضوں او رمسائل کو اَپنے تھیٹر میں پیش کرنے کی ضرورت ہے۔
اُنہوں نے کہا کہ ہمیں اَپنی ثقافتی پیش کشوں کو نوجوان نسل کے مسائل سے ہم آہنگ کرنا ہوگا او ران کے تازہ خیالات کو شامل کرنا ہوگا جو ان سے گونجتے ہیں۔ اُنہوں نے کہا کہ ہماری کوششیں نوجوان فن کاروں کو ایک پلیٹ فارم مہیاکریں اور نوجوانوں کو اَپنی صلاحیوں کو نکھارنے کے لئے ساز گار ماحول فراہم کریں۔
اُنہوں نے فن کاروں کو یہ بھی یقین دِلایا کہ حکومت ہینڈ ہولڈنگ سپورٹ میں توسیع کرے گی اور کوئی بھی فیصلہ تمام شراکت داروں کے ساتھ مناسب مشاورت کے ہی لیا جائے گا اور اُنہیں ہر ممکن طریقے سے سہولیت فراہم کرنے کے عمل کو آسا ن بنایا جائے گا۔
اُنہوں نے مزید کہا کہ محکمہ ثقافت میں ہماری کوششیں سب کو شامل کرنے کی ضرورت ہے اور ٹیلنٹ اور محنت ہمارے محکمے کا پیمانہ ہونا چاہیے۔اُنہوں نے کہا یہ فیسٹول فن کاروں کو اَپنی صلاحیتوں کا مظاہرہ کرنے اور طلباء کو تھیٹر کی طرف راغب کرنے کا موقعہ فراہم کرے گا۔
تھیٹر فیسٹول 8روزہ 2؍مارچ سے 10مارچ تک ٹیگور ہال میں منعقد ہوگا جو ثقافتی سرگرمیوں کا مرکز رہا ہے ۔ اِس دوران کشمیر کے رجسٹر ڈ تھیٹر گروپس پرفارم کریں گے ۔ اِفتتاحی دِن تھیٹر گروپ ساتھ نے ارنہِ مال ڈرامہ پیش کیا جس سے سامعین محظوظ ہوئے ۔فیسٹول کے دوران جو دیگر ڈرامے پیش کئے جائیں گے ان میں ینگ ڈرامیٹک سوسائٹی کی طرف سے گندن تماشہ ، آزاد ڈرامیٹک کلب کی طرف سے چکدر پاتھر ، دِلشاد کلچر فورم کا تنکھا، یمبرزل یوتھ کلب کا اکھ پرژ ،ایس آر تھیٹر گاندربل کا تنکھا ، شاہکار سوسائٹی کی طرف سے د کھے لور اور کلچر ریولیوشن کی طرف سے نم تہ مازشامل ہیں۔
