نیوز ڈیسک//
سری نگر/11؍مئی:لیفٹیننٹ گورنر کے مشیر راجیو رائے بھٹناگر نے جمعہ رات کویہاں سول سیکرٹریٹ میں جے اینڈ کے بلڈنگ اینڈ اَدرکنسٹرکشن ورکرز ویلفیئر بورڈ ( جے کے بی او سی ڈبلیو ڈبلیو بی ) کے 20ویں بورڈ آف ڈائریکٹرز میٹنگ کی صدارت کی۔میٹنگ میں کمشنر سیکرٹری لیبر اینڈ ایمپلائمنٹ ریحانہ بتول ، سی ای او اور سیکرٹری جے کے بی او سی ڈبلیو ڈبیو بی منیرالاسلام ، سیکرٹری دیہی ترقی اور پنچایتی راج طارق احمد زرگر ، لیبر کمشنر جے اینڈ کے عبدالرشید وار ، سیکرٹری قانون اچل سیٹھی ، ڈی جی کوڈز ، ڈائریکٹر فائنانس پی ڈبلیو ڈی اور بورڈ کے دیگر اراکین نے ذاتی طور پر اور بذریعہ ویڈیو کانفرنسنگ شرکت کی۔دوران میٹنگ جے کے بی او سی ڈبلیو ڈبلیو بی کے مختلف پہلوئوں پر تفصیلی غور و خوض کیا گیا ۔ میٹنگ میں مختلف متعلقہ موضوعات پر بھی بات چیت ہوئی جن میں فلاحی سکیموں کے نفاذ ، ہیلتھ کیئر سہولیات میں اضافہ ، سکل اَپ گریڈیشن پروگرام ، مزدوروں کے کنبوں کے لئے مالی اِمداد اور تعمیراتی مزدوروں کی حفاظت اور بہبود کو یقینی بنانے کے اقدامات شامل ہیں۔میٹنگ میں مشیر راجیو رائے بھٹناگر نے اَفسران سے خطاب کرتے ہوئے خطے میں مزدوروں کی فلاح و بہبود کے لئے اَپنے ویژن کا خاکہ پیش کیا اور جامع فلاحی اقدامات کی ضرور ت پر زور دیا جو جموںوکشمیر میں تعمیراتی اَفرادی قوت کو درپیش متنوع چیلنجوں سے نمٹاجائے۔مشیر موصوف نے ان کارکنوں کے حقوق اور معاش کے تحفظ کی اہمیت کو تسلیم کرتے ہوئے اُنہیں سماجی تحفظ ، ہیلتھ کیئر تک رسائی اور ہنر مندی کے مواقع فراہم کرنے کی اہمیت پر زور دیا۔مشیر راجیو رائے بھٹناگر نے پورے جموںوکشمیر میں اَفرادی قوت کے رہنے او رکام کرنے کے حالات کو بہتر بنانے ، سب کے لئے عز ت ، احترام او رخوشحالی کے ماحول کو فروغ دینے کے لئے حکومت کے عزم کا اعادہ کیا۔ اُنہوں نے شرکأ پر زور دیا کہ وہ قریبی ہم آہنگی برقرار رکھیں تاکہ تعمیراتی مزدوروں اور دیگر مزدور طبقے کی فلاح و بہبود کے لئے مطلوبہ فلاحی اقدامات پر عمل درآمد کیا جاسکے ۔ دورانِ میٹنگ بورڈ آف ڈائریکٹرز نے جموںوکشمیر میں تعمیراتی کارکنوں کی فلاح و بہبود کو آگے بڑھانے کے مقصد سے کئی اہم اور تعمیری فیصلے لئے۔بورڈ نے رجسٹرڈ ورکروں کے لئے میریج اسسٹنس سکیم کو دوبارہ شروع کرنے کی منظوری دی۔ بورڈ نے جے کے بی او سی ڈبلیو ڈبلیو بی کی اِنتظامیہ سے کہا کہ اِمدادی سکیموں کی نقل سے گریز کیا جائے اور اس کے لئے دیگر محکموں کے ساتھ مشاورت کے ساتھ ایک مضبوط طریقہ کا وضع کیا جائے ۔ بورڈ نے جے کے بی او سی ڈبلیو ڈبلیو بی کی اِنتظامیہ کو کارکنوں سے آ ن لائن درخواست دینے کے لئے ایک مضبوط طریقہ کار قائم کرنے کی بھی ہدایت دی ہے جس کی مناسب تصدیق کا اِنتظام ہے۔
