مجرموں سے نمٹنے کیلئے جغرافیائی حدود سے بالاتر ہونے کی ضرورت
نیوز ڈیسک//
سرینگر /13جولائی :دنیا بھر میں سلامتی کے چیلنجوں سے نپٹنے کیلئے G20ممالک کو مل کر کام کرناہوگا کا اعلان کرتے ہوئے وزیرداخلہ امیت شاہ نے نام لیے بغیرکہا کہ کچھ سماج دشمن عناصر اور عالمی طاقتیں شہریوں اور حکومتوں کو معاشی اور سماجی نقصان پہنچانے کیلئے ٹیکنالوجی کا استعمال کر رہی ہیں۔ سی این آئی مانیٹرنگ ڈیسک کے مطابق نئی دلی میں دو روزہ G20اجلا س کا با ضابطہ طو رپر آغاز ہو گیا اور اس تقریب کا افتتاح وزیر داخلہ امیت شاہ نے کیا ۔ اس موقعہ پر افتتاحی تقریب سے خطاب کے دورا ن عالمی برادری کو سلامتی کے چیلنجوں کے بارے میں خبردار کرتے ہوئے جو ’’بارود سے میٹاورس اور حوالہ سے کرپٹو کرنسی‘‘تک تیار ہوئے ہیں، مرکزی وزیر داخلہ امت شاہ نے G20 ممالک پر زور دیا کہ وہ اس طرح کے جرائم کے خلاف کارروائی کیلئے روایتی حدود سے اوپر اٹھیں۔کانفرنس سے خطاب کرتے ہوئے، انہوں نے سائبر مجرموں کی طرف سے ڈارک نیٹ، میٹاورس، ڈیپ فیکس، رینسم ویئر اور ٹول کٹ پر مبنی غلط معلومات کی مہموں اور اہم معلومات کو اسٹریٹجک ہدف بنانے کے خطرات پر روشنی ڈالی۔انہوں نے کہا’’G20نے اب تک معاشی نقطہ نظر سے ڈیجیٹل تبدیلی اور ڈیٹا کے بہاؤ پر توجہ مرکوز کی ہے، لیکن اب یہ ضروری ہے کہ جرائم اور سلامتی کے پہلوؤں کو سمجھنا، اور اس کا حل تلاش کرناہے ‘‘۔ شاہ نے کہا کہ اس طرح کی سرگرمیاں ایک قومی تشویش ہیں کیونکہ یہ براہ راست قومی سلامتی، امن و امان اور معیشت کو متاثر کرتی ہیں۔ انہوں نے کہا کہ اگر ایسے جرائم اور مجرموں کو روکنا ہے تو ہمیں روایتی جغرافیائی حدود سے اوپر اٹھ کر سوچنا اور عمل کرنا ہوگا۔نام لیے بغیر امیت شاہ نے کہا کہ کچھ سماج دشمن عناصر اور عالمی طاقتیں شہریوں اور حکومتوں کو معاشی اور سماجی نقصان پہنچانے کے لیے ٹیکنالوجی کا استعمال کر رہی ہیں۔ انہوں نے کہا ’’G20 نے اب تک معاشی نقطہ نظر سے ڈیجیٹل تبدیلی اور ڈیٹا کے بہائوپر توجہ مرکوز کی ہے، لیکن اب جرم اور سیکورٹی کے پہلوئوں کو سمجھنا اور اس کا حل تلاش کرنا ضروری ہے‘‘۔شاہ نے کہا کہ اس طرح کی سرگرمیاں ایک قومی تشویش ہیں کیونکہ یہ براہ راست قومی سلامتی، امن و امان اور معیشت کو متاثر کرتی ہیں۔ انہوں نے کہا کہ اگر ایسے جرائم اور مجرموں کو روکنا ہے تو ہمیں روایتی جغرافیائی حدود سے اوپر اٹھ کر سوچنا اور عمل کرنا ہوگا۔ وزیر داخلہ نے تمام ممالک کے قوانین میں یکسانیت لانے، مختلف ممالک کے قوانین کے تحت ردعمل کا طریقہ کار تیار کرنے، بینچ مارکس، بہترین طریقوں اور ضوابط کو ہم آہنگ کرنے، اور سائبر کے درمیان زیادہ سے زیادہ ہم آہنگی جیسے سرحدوں کے پار کام کرنے والے سائبر مجرموں کے خلاف کارروائی کے لیے متعدد اقدامات کی تجویز دی۔
