نگران نیوز ڈیسک
سری نگر//مرکزی وزیر داخلہ امت شاہ نے منگل کو کہا کہ بھیم را امبیڈکر نے ہندوستان کی سالمیت کی خاطر آئین کے آرٹیکل 370 کی سخت مخالفت کی تھی۔امبیڈکر کی یوم پیدائش پر ایک پوسٹ میں، شاہ نے کہا کہ انہوں نے ملک کو ایک ایسا آئین دے کر ہندوستان کی جمہوریت کی مضبوط بنیاد رکھی جو ہر طبقے کو مساوی حقوق اور مواقع فراہم کرتا ہے۔انہوں نے ہندی میں اپنی پوسٹ میں کہا”انہوں نے ملک کی سالمیت کی خاطر آرٹیکل 370 کی سخت مخالفت کی،باباصاحب، جنہوں نے سماج کو تعلیم یافتہ بننے اور منظم رہنے کا منتر دیا، اپنی زندگی سے ہمیں سکھایا کہ جب قومی خدمت اور لوگوں کی فلاح کا عزم ہو تو ہر رکاوٹ چھوٹی ہو جاتی ہے،” ۔شاہ نے خالصہ پنتھ کے یوم تاسیس اور بیساکھی کے موقع پر لوگوں کو مبارکباد بھی دی۔شاہ نے کہا کہ بیساکھی ہندوستان کے محنتی کسانوں کی خوشی کا جشن بھی ہے، جس کی لگن پورے ملک میں خوشحالی لاتی ہے، "اس مقدس اور مبارک موقع پر، میں خالصہ پنتھ کو دلی مبارکباد پیش کرتا ہوں اور ہمارے اننادات کی انتھک کوششوں کے آگے جھکتا ہوں،” ۔
