سری نگر:راج باغ میں جمعہ کوپیش آئے سڑک حادثے کے تناظر میں جس میں کپوارہ کاایک36سالہ نوجوان لقمہ اجل بن گیا، ایس ایس پی ٹریفک سٹی مظفر احمد شاہ نے والدین کو مشورہ دیا کہ وہ اپنے نابالغ بچوں کو موٹر سائیکل ،اسکوٹر یاگاڑی چلانے کی اجازت نہ دیں۔جے کے ین ایس کے مطابق انہوںنے میڈیا سے بات کرتے ہوئے کہاکہ نابالغ لڑکوںلڑکیوںکاگاڑی چلانا غیرقانونی ہی نہیں بلکہ خطرناک بھی ہے ۔ایس ایس پی ٹریفک سٹی کاکہناتھاکہ والدین کوچاہئے کہ وہ اپنے نابالغ بچوں بچیوںکوبغیر لائسینس کے ٹوویلر یافور ویلر چلانے کیلئے نہ دیں ،کیونکہ ایسا کرنے سے خود ان بچوںکی زندگیوںکوخطرہ لاحق ہوجاتاہے ۔انہوںنے مزیدکہاکہ نابالغ لڑکوںلڑکیوں کوڈرائیوینگ کرنے پرحوصلہ افزائی نہیں ہونی چاہئے بلکہ اس خطرناک اورغیرقانونی عمل کیخلاف معاشرے کوآگے آناچاہئے ۔ ایس ایس پی ٹریفک سٹی مظفر احمد شاہ نے کہاکہ ہم چالان کرسکتے ہیں،جرمانہ وصول کرسکتے ہیں ،گاڑی یاموٹرسائیکل کوضبط کرسکتے ہیں ،لیکن اسے کچھ نہیں ہوگا۔انہوںنے انکشاف کیاکہ پچھلے چار ماہ کے دوران ٹریفک قوانین کی خلاف ورزی کے مرتکب افرادکیخلاف 17000چالان کاٹے گئے ۔ ایس ایس پی ٹریفک سٹی مظفر احمد شاہ نے کہاکہ اگروالدین ذمہ داری کاثبوت دیں اورہمیں تعاون دیں تو نابالغ بچوںمیں ڈرائیوینگ کے خطرناک رُجحان پرقابوپایاجاسکتاہے ۔