سری نگر؍۱۱؍ اکتوبر
سری نگر میں بار بار ٹریفک کی خلاف ورزی کرنے والوں کے خلاف محکمہ ٹریف کی جانب سے قانونی کارروائی کرنے کا عندیہ دیا گیا ہے۔ ایس پی ٹریفک سری نگر سٹی مظفر احمد شاہ کا کہنا ہے کہ ای چالان بار بار مجرموں کی تاریخ معلوم کرنے کا بہترین طریقہ ہے۔ ’’چالان کی گئی گاڑی کا ڈیٹا حاصل کرنا آسان ہے۔ اگر ڈیٹا سے پتہ چلتا ہے کہ ڈرائیور بار بار ٹریفک کا مجرم ہے، تو ہم عدالت اور یہاں تک کہ آر ٹی او سے بھی رجوع کریں گے تاکہ مجرموں کے خلاف کارروائی شروع کی جا سکے‘‘۔ انہوں کا مزید کہنا تھا کہ چالان شدہ گاڑی کے بارے میں ڈیٹا کو دستی طور پر بازیاب کرنا مشکل تھا۔ایک مقامی خبر رساں ایجنسی کے این ٹی کے مطابق ایس پی ٹریفک سری نگر سٹی مظفر احمد شاہ نے کہا کہ وہ ’معمولی ڈرائیونگ‘ کے خطرے کو روکنے کے لیے بہت سنجیدہ ہیں۔ نابالغوں کو گاڑیاں چلانے کی اجازت دینا غیر قانونی جرم ہے۔ اس کے علاوہ ہم سری نگر شہر میں ٹریفک کی روانی کو یقینی بنانے اور ٹریفک کی خلاف ورزی کرنے والوں کے خلاف کارروائی کرنے کی کوشش کر رہے ہیں۔
