جموں/08؍دسمبر//
لیفٹیننٹ گورنر منوج سِنہا نے جمعہ رات کو راج بھون میں جموںوکشمیر بھارت سکائوٹس اینڈ گائیڈس کے اَفسران اور رَضاکاروں کے ساتھ بات چیت کی۔وفد کی قیادت جے اینڈ کے چپٹر کمشنر ڈبلیو جی سی ڈی آر ایم ایم جوشی نے کی جس میں ایڈمنسٹریٹر نسرین خان ، ہیڈ کوارٹر کمشنر کیپٹن شرما، ٹریننگ کمشنر گائیڈ ونگ منجیت کور ،گائید کیپٹن جیوتی ورما ، گائیڈ پوجا گپتا اور سکائوٹ سمکت جین شامل تھیں۔لیفٹیننٹ گورنر نے کہا کہ سکائوٹس اینڈ گائیڈس بے لوث خدمت اور کثرت میں وحدت کی علامت ہیں۔ اُنہوں نے کہا کہ رَضاکار سماجی مساوات کے مقصد کے لئے اور معاشرے میں خود نظم و ضبط ، کامریڈ شپ جیسی اَقدار کو مضبوط کرنے کے لئے سرگرم عمل ہیں۔اُنہوں نے کہا کہ ہمارے لئے یہ بڑے فخر کی بات ہے کہ سکائوٹس اینڈ گائیڈس اَپنے فرائض مستعدی اور تاثیر کے ساتھ اَدا کر رہے ہیں ۔ اُنہوں نے کہا کہ تعمیری تبدیلی لانے کے لئے سکائوٹس اینڈ گائیڈس کے جذبے کو کمیونٹی کے دیگر شعبوں میں اَپنانے کی ضرورت ہے ۔لیفٹیننٹ گورنر نے مشاہدہ کرتے ہوئے کہا کہ نظم و ضبط اور عزم نوجوانوں کی نمایاں خصوصیات ہیں۔ اُنہوں نے کہا کہ مشن یوتھ کے ذریعے ہم نوجوان پود کو سماجی ترقی کے لئے بے لوث کام کرنے کی ترغیب دے رہے ہیں۔اُنہوں نے مزید کہا کہ مختلف تعلیمی اِداروں میں نوجوانوں کو بڑی تعداد میں سکائوٹس اینڈ گائیڈس میں شامل ہونا چاہیے اور قوم کی تعمیر میں اَپنا مثبت کردار اَدا کرنا چاہیئے۔لیفٹیننٹ گورنر ،جو جے اینڈ کے بھارت سکائوٹس اینڈ گائیڈس کے چیف پیٹرن بھی ہیں ، کو جموںوکشمیر یوٹی میں سکائوٹس اینڈ گائیڈس کی سرگرمیوں اور گذشتہ ایک برس کی کامیابیوں کے بارے میں جانکاری دی گئی۔لیفٹیننٹ گورنر نے بھارت سکائوٹس اینڈ گائیڈس تحریک کو جموںوکشمیر یوٹی اِنتظامیہ کے مکمل تعاون کا یقین دِلایا ۔
