نگران نیوز سروس
سرینگر// فلوری کلچر، باغات اور پارکس کشمیر کے ڈائریکٹوریٹ نے پیر کو اعلان کیا ہے کہ ٹیولپ گارڈن سرینگر، جسے 16 مارچ کو ٹولپ شو-2026 کے لیے سیاحوں کے لیے کھولا گیا تھا، 16 اپریل کی شام سے عام لوگوں کے لیے بند کر دیا جائے گا۔محکمہ کی طرف سے جاری کردہ ایک سرکاری نوٹس کے مطابق، یہ فیصلہ 13اپریل کے ٹیولپ کمیٹی کے ایک خط میں کی گئی سفارشات کے بعد لیا گیا ہے ۔محکمہ نے کہا کہ باغ اس سال کے ٹیولپ شو کے اختتام کے موقع پر مقررہ تاریخ کے بعد سیاحوںکے لیے بند رہے گا۔ 25ویں روز سنیچر تک ٹیولپ گارڈن میں2لاکھ 92ہزار سیلانیوں نے گل لالہ باغ کا سیر کیا۔ان میں سے 1لاکھ 25ہزار مقامی اور 1لاکھ 56ہزار سے زیادہ ملکی اور چند ہزار غیر ملکی تھے۔
