کرگل ؍؍رنگ یل نیوزسروس؍؍جشن یوم ولادت باسعادت دختررسول خدا حضرت فاطمہ زہراسلام اللہ علیہاکی مناسبت سے ضلع بھر میں جشن عیدکی محافل ومجلس منعقدہوئیںجن میں عاشقان ولایت کی کثیر تعداد نے شرکت کی ۔ضلع کرگل میں سب سے بڑی مجالس انجمن جمعیتہ العلماء اثناعشریہ کرگل اور امام خمینی میموریل ٹرسٹ کے زیراہتمام منعقدہوئیں۔جن میں کڑاکے کی سردی کی باوجود ضلع کے گردونواح کے علاقوں سے تعلق رکھنے والے مومنین کی کثیرتعدادنے شرکت کی ۔ انجمن جمیعتہ العلماء اثنا عشریہ کرگل کے زیر اہتمام مجلس احاطہ اثنا عشریہ یعنی اسلامیہ اسکول میں منعقدہواجہاں ہزاروں کی تعدادمیں مومنین نے شرکت کی ۔اس دوران شعرائے کرام نے شان رسالت وولادت باسعادت حضرت زہراسلام اللہ علیہاکی مناسبت سے نعت ومنقبت پیش کرتے ہوئے بارگاہ رسالت میں گلہائے عقید ت پیش کئے جبکہ علمائے کرام صدرانجمن جمیعتہ العلمااثنا عشریہ کرگل حجت الاسلام شیخ ناظرالمہدی محمدی ،حجت الاسلام شیخ عبداللہ منوری ،حجت لاسلام شیخ مہدی علی ایمانی اور دیگرلوگوں نے عید کی محفل سے خطاب کرتے ہوئے اس دن کی اہمیت پرروشنی ڈالی ۔ادھرامام خمینی میموریل ٹرسٹ کرگل کی جانب سے ولادت باسعادتسیدہ لنساء العالمین، حضرت فاطمہ سلام اللہ علیہا اور ان کے فرزند ارجمند وارث حسینؑ، بت شکن عصر خمینی کبیر کی مناسبت سے مصلیٰ امام خمینی منجی گنڈ میں جشن یوم میلادکا انعقاد کیا۔ جس میں ہزاروں کی تعدادمیں عقیدت مندوں نے شرکت کی ۔اس دوران مجلس میں نعت ومنقبت خوانوں اور شعرائے کرام نے مداح وثنا پیش کئے جس کے بعد علمائے کرام نے مجلس سے خطاب کرتے ہوئے اس دن کی فضلیت پر روشنی ڈالی ۔مجلس سے چیرمین امام خمینی میموریل کرگل حجت الاسلام شیخ محمد صادق رجائی ،وائس چیر مین امورمذہبی حجت الاسلام شیخ بشیر شاکر،حجت الاسلام شیخ غلام مہدی سیدین اوردیگر لوگوں نے خطاب کرتے ہوئے فلسفہ ولادت باسعادت حضرت فاطمہ الزہراسلام اللہ علیہااور بت شکن عصروبانی انقلاب اسلامی ایران حضرت آیت اللہ روح اللہ خمینی کی زندگی پر مفصل روشنی ڈالی ۔ مجلس کے آخرپر اسلام اورمسلمانوں کی حق میں اور استکبار جہاں امریکا واسرائیل کے خلاف فلک شگاف نعرے بلند کئے گئے ۔ادھر کرگل قصبے میں امام خمینی میموریل ٹرسٹ کی جانب سے مرکزی جامع مسجدکرگل میں بھی محفل عیدمنعقدہوئی جس میں کثیرتعدادمیں لوگوں نے شرکت کی ۔مجلس سے حجت الاسلام شیخ ابراہیم کریمی اور دیگرلوگوں نے خطاب کیا ۔
