کشمیر انفو//
کٹھوعہ//لیفٹیننٹ گورنر کے مشیر راجیور ائے بھٹناگر نے آج کٹھوعہ ضلع کے بھگ تھلی او رگھٹی اِنڈسٹریل اسٹیٹس کا دورہ کیا اور اُنہوں نے وہاں جاری کاموں اور دیگر سہولیات کا معائینہ کیا۔دورے کے دوران مشیر موصوف نے دونوں اِنڈسٹریل اسٹیٹس کا تفصیلی دورہ کیا او رصنعت کاروں کے ساتھ بات چیت کی۔ اُنہیں اِنڈسٹریل اسٹیٹس میں بنائے جانے والے سہولیات اور بنیادی ڈھانچے کے روڈ میپ کے بارے میں جانکاری دی گئی۔مشیر راجیو رائے بھٹناگر کو جے اینڈ کے سیڈکو بھگ تھلی کے مقام پر متعلقہ اَفسران نے جانکاری دی کہ صنعتی مقصد کے لئے 2,950 کنال اراضی الاٹ کی گئی ہے جس کے لئے اعلیٰ کمیٹی نے پہلے مرحلے میں دس صنعتی یونٹوں کی منظوری دی ہے۔اُنہوں نے یونٹوں کو شروع کرنے کے طریقہ کار پر تبادلہ خیال کرتے ہوئے اَفسران پر زور دیا کہ وہ تمام ضروری منظوری حاصل کریں اور تمام شراکت داروں کو بورڈ میں شامل کریں تاکہ بجلی کی بلا تعطل فراہمی ، پینے کے پانی ، بنڈوں تعمیر کے علاوہ نکاسی آب نظام جیسی تمام شرائط کی تکمیل کو یقینی بنایا جاسکے۔اُنہوں نے ناظم صنعت و حرفت جموں اور منیجنگ ڈائریکٹر سیڈکو اور سیکاپ سے بھی کہا کہ وہ مسائل کے جلد حل کر کے تمام شراکت داروں کے ساتھ تفصیلی بات چیت سے اسٹیٹس کی تیز رفتار ترقی کو یقینی بنائیں۔اُنہوں نے اِس بات پر روشنی ڈالتے ہوئے کہاکہ جموںوکشمیر صنعتی پالیسی 2020 نے سرمایہ کاری،صنعتی ترقی اور تیز رفتار ترقی کے لئے ایکو سسٹم بنا یا ہے ۔اُنہوں نے کہا کہ موجودہ ایل جی کی قیادت والی اِنتظامیہ صنعت کاروں کو تمام ضروری مدد فراہم کرنے کے لئے پُر عزم ہے ۔اُنہوں نے کہا کہ حکومت خطے میں صنعتی ترقی کی حوصلہ اَفزائی کے لئے تمام ضروری اقدامات کر رہی ہے اور صنعت کاروں کے تمام مسائل کو ترجیحی بنیادوں پر حل کرنے کی یقین دہانی کی جارہی ہے ۔مشیر راجیو رائے بھٹناگر نے گھٹی میں سیڈ کو اِنڈسٹریل اسٹیٹ کا معائینہ کرتے ہوئے صنعتی اِداروں کا دورہ کیا اور اُنہوں نے وہاں قائم تمام سہولیات کا موقعہ پر ہی جائزہ لیا۔مشیر موصوف نے بعد میں کٹھوعہ اِنڈسٹریل یونٹس ایسو سی ایشن کے نمائندوں سے ملاقات کی اور ان کے پیش کردہ مسائل پر تفصیلی تبادلہ خیا ل کیا ۔اُنہوں نے کہا کہ حکومت سرمایہ کاری کو راغب کرنے ، روزگار کے مواقع پیدا کرنے اور خطے میں اِقتصادی ترقی پید ا کرنے کے لئے کام کر رہی ہے۔دورے کے دوران مشیر راجیو رائے بھٹناگر کے ہمراہ ڈائریکٹر جنرل صنعت و حرفت جموں ، ایم ڈی سیڈکو اور سیکاپ ، جی ایم ڈی آئی سی کٹھوعہ ، اے سی آر اور دیگر متعلقہ اَفسران تھے۔
