جموں/09؍مارچ؍
ایڈیشنل چیف سیکرٹری محکمہ زرعی پیداوار اَتل ڈولو نے آج سول سیکرٹریٹ میں جموںوکشمیر میں ڈیری ڈیولپمنٹ کے قومی پروگرام کی عمل آوری کی نگرانی کے لئے یوٹی سطح کی ٹیکنیکل مینجمنٹ کمیٹی کی دوسری میٹنگ طلب کی۔ایڈیشنل چیف سیکرٹری جو کہ کمیٹی کے چیئرمین بھی ہیں، کو پروگرام کے تحت ستمبر 2022ء تک حصولیابیوں کی پیش رفت کی صورتحال سے آگاہ کیا گیا ۔میٹنگ میں بتایا گیا کہ تمام اہم اجزأ او ردیگر سرگرمیوں کے لئے ٹینڈرز مکمل ہوچکے ہیںاور منظور شدہ/دوبارہ مختص شدہ اجزأکے مطابق تمام سرگرمیوں کے لئے احکامات جاری کئے گئے ہیں۔چیف ایگزیکٹیو آفیسرجموں وکشمیر ملک پروڈیو سرز کوآپریٹیو لمٹیڈ ( جے کے ایم پی سی ایل ) گوروشرما نے اس موضوع پر پاورپوائنٹ پرزنٹیشن پیش کی۔یہ اِنکشاف ہوا کہ اوسطاً یومیہ دودھ کی خریداری اور مارکیٹنگ ، چھاچھ اور دہی کی پیداوار ، چلنگ پلانٹ کی صلاحیت اور ڈیری پلانٹ کی استعداد کے حوالے سے پیش رفت ہوئی ہے ۔ فروری 2023ء تک ہونے والی مالیاتی پیش رفت کی صورتحال بھی پیش کی گئی۔
دورانِ میٹنگ جموں وکشمیر ملک پروڈیو سرز کوآپریٹیو لمٹیڈ ( جے کے ایم پی سی ایل ) میں ترقی پسند ڈیری کوآپریٹیو کی تعداد کے بارے میں تفصیلی معلومات سامنے آئیں ۔جموںوکشمیر ایک ہزار سے زیادہ کوآپریٹیو کی پیداواری صلاحیت 1000 لیٹر فی دِن سے 100 لیٹر یومیہ کے درمیان ہے ۔
رپورٹوں سے پتہ چلتا ہے کہ پروجیکٹ نے جے کے ایم پی سی ایل کے معمول کے کام کاج میں بہتری لائی ہے۔ اس نے کسانوں کو شفاف اور جوابدہ طریقے سے فارم گیٹ کی منافع بخش قیمتیں فراہم کرنے میں مدد کی ہے۔ اس سے خرابی کی وجہ سے ہونے والے نقصانات میں بھی کمی آئی ہے جس سے کسانوں میں اعتماد پیدا ہوا ہے۔ اس منصوبے سے دودھ کے معیار میں بھی اضافہ ہوا ہے اور دودھ کی خریداری اور مارکیٹنگ میں بھی اضافہ ہوا ہے۔
ایگری کلچر پروڈکشن ڈیپارٹمنٹ کا مقصد دودھ کی پروسسنگ کی موجودہ 2.50 لاکھ لیٹر یومیہ سے 8.50لاکھ لیٹر یومیہ تک بڑھانا ہے جیساے کہ آئی ڈی ڈی ایس ، ایم اے آئی ٹی آر آئی ، اے۔ ایچ اِی ایل پی پروگرام اور موبائل ویٹرنری یونٹ سکیم کی عمل آوری سے جموںوکشمیر میں دودھ کی پیداوار کو بڑھانے میں خاطر خواہ تعاون کر رہے ہیں۔
