کشمیر انفو//
جموں/15؍مارچ:سیکرٹری صحت و طبی تعلیم بھوپندر کمار نے آج قبل اَز پیدائش اور قبل اَز پیدائش تشخیصی تکنیک ( جنسی اِنتخاب کی ممانعت ) ایکٹ 1994 کا جائزہ لیا۔ڈائریکٹوریٹ آف ہیلتھ سروسز جموں و کشمیر نے پی سی پی این ڈی ٹی ایکٹ کی دفعات کے نفاذ کی ضلع وار صورتحال کے بارے میں مختصر پرزنٹیشن پیش کی۔سیکرٹری موصوف نے اِس بات پر زور دیا کہ صنفی تعصب اور جنس کا تعین صحت عامہ کا اہم مسئلہ ہے جسے پی سی پی این ڈی ٹی ایکٹ کے مؤثر عمل آوری سے کنٹرول کیا جاسکتا ہے جس کے لئے جامع حکمت عملی وضع کرنے اور نگرانی کرنے کی ضرورت ہے۔اُنہوں نے ڈائریکٹوریٹ کو ہدایت دی کہ وہ تمام رجسٹرڈ الٹرا سائونڈ کلینکس کا جائزہ لیں تاکہ وہ پی سی پی این ڈی ٹی ایکٹ کے مطابق ہوں۔اُنہوں نے مزید کہا کہ اِس بات کو یقینی بنایا جانا چاہیے کہ پی سی پی این ڈی ٹی ایکٹ کی تمام شقوں پر سختی سے عمل درآمد کیا جائے ۔اُنہوں نے چیف میڈیکل اَفسران سے یہ بھی کہا کہ وہ ان اداروں کو منسوخ کرنے پر غور کریں جو ایکٹ کی کسی بھی شق کے لحاظ سے کوتاہی کا شکار ہیں۔ مزید برآں، ڈائریکٹر ہیلتھ سروسز اور سی ایم اوز سے کہا گیا کہ وہ پیدائش کے وقت جنس کے تناسب کے ضلع وار رجحان تجزیہ کے لئے گزشتہ پانچ برس کے ایچ ایم آئی ایس ڈیٹا کا مطالعہ کریں۔ ان سے یہ بھی کہا گیا کہ وہ خود جائزہ لیں۔ڈائریکٹر ہیلتھ سروسز، جموں/کشمیر سے کہا گیا کہ وہ پی سی پی این ڈی ٹی ایکٹ کے مطابق مناسب اتھارٹی اور اپیلیٹ اتھارٹی کی تشکیل کے سلسلے میں مشن ڈائریکٹر، نیشنل ہیلتھ مشن کی مشاورت سے انتظامی محکمے کو جامع تجویز پیش کریں۔سیکرٹری نے متعلقہ اَفراد کو یہ بھی یقینی بنانے کی ہدایت دی کہ آیوشمان بھارت ڈیجیٹل مشن کے تحت جموں وکشمیر کے یوٹی میں الٹرا سائونڈ آلات کو ایک مقررہ مدت میں ہینڈل کرنے والے تمام الٹرا سائونڈ کلینکس اور طبی پیشہ ور اَفراد( سونو لوجسٹ ) کے لئے منفر د شناخت اے بی۔ ایچ ایف آر اور اے بی۔ ایچ پی آر بنائے جائیں۔مزید یہ کہ ڈائریکٹر ہیلتھ سروسز اور چیف میڈیکل اَفسران دونوں کو پی سی پی این ڈی ٹی ایکٹ کے تحت مستقل بنیادوں پر سٹیٹوٹری باڈی / ریگولیٹنگ باڈی میٹنگز کے اِنعقاد کے حوالے سے معلقہ صوبائی کمشنروں او رضلع ترقیاتی کمشنر وں کے ساتھ معاملہ اُٹھانے کو کہا گیا ۔مشن ڈائریکٹر نیشنل ہیلتھ مشن سے کہا گیا کہ وہ پی سی پی این ڈی ٹی ایکٹ کی عمل آوری کے سلسلے میں آف لائن سمینار ، ورکشا کے اِنعقاد اور چیف میڈیکل اَفسروں ، بلاک میڈیکل اَفسروں او ردیگر ملازمین کی تربیت کے لئے مرکز ی حکومت میں متعلقہ ماہرین سے رابطہ کریں۔میٹنگ میں مشن ڈائریکٹر این ایچ ایم جے اینڈ کے ، ڈپٹی ڈائریکٹر سکمز جموں نوڈل اَفسران ( پی سی اینڈ پی ان ڈی ٹی) ڈائریکٹوریٹ آف ہیلتھ سروسز جموں /کشمیر ، چیف میڈیکل اَفسران اور ہیلتھ میڈیکل ایجوکیشن ڈیپارٹمنٹ کے دیگر اَفسران اور متعلقین نے شرکت کی۔
