کشمیر انفو//
جموں/15؍مارچ:جموںوکشمیر ٹریڈ پروموشن آرگنائزیشن ( جے کے ٹی پی او ) نے آج پرنسپل سیکرٹری صنعت و حرفت پرشانت گوئیل کی صدارت میں جموںوکشمیر کے سرمایہ کاروں ، صنعتی ایسو ایشنون اور جموںوکشمیر کے تجارتی اِداروں کے لئے ایک جے اینڈ کے سرمایہ کار فیسلٹیشن میٹنگ کا اِنعقاد کیا۔پرنسپل سیکرٹری نے میٹنگ سے خطاب کرتے ہوئے جموںوکشمیر ٹریڈ پروموشن آرگنائزیشن ( جے کے ٹی پی او ) کی تعریف کی کہ اس طرح کے سیشنوں کی میزبانی کی گئی جہاں تمام سرمایہ کار ، تجارتی اِدارے ، صنعتی انجمنیں اور دیگر صنعت کاروں کو درپیش مسائل پر بات چیت کرنے کے لئے ایک ہی پلیٹ فارم کا اشترا ک کرتے ہیں۔اُنہوں نے کہا کہ حکومت سرمایہ کاروں کے ساتھ ہم آہنگی سے کام کرنا چاہتی ہے اور ان کی شکایات کو دُور کرنے کے لئے ہر ممکن طریقے سے ان کی رہنمائی کرنا چاہتی ہے ۔اُنہوں نے جموںوکشمیر میں کاروبار ی ماحولیاتی نظام کو بہتر بنانے کے لئے صنعت وحرفت محکمہ کی طرف سے اُٹھائے جانے والے مختلف اقدامات جیسے مکمل طور پر سنگل وِنڈو سسٹم ، جے اینڈ کے صنعتی ماحولیاتی نظام کی پالیسیوں کی اَپ گریڈیشن اور ترامیم پر بھی روشنی ڈالی ۔پرنسپل سیکرٹری نے یقین دِلایا کہ لیفٹیننٹ گورنر کی ہدایت کے مطابق سرمایہ کاروں کی سہولیت کے لئے دونوں صوبوں میں اس طرح کی میٹنگیں باقاعدگی سے منعقد کی جائیں گی۔سیکرٹری ریونیو ڈیپارٹمںٹ ڈاکٹر پیوش سنگلا نے میٹنگ کو محکمہ ریونیو کی جانب سے اختیار کی گئی اِی۔ سروسز اور آئی سی ٹی اقدامات کے بارے میں جانکاری دی۔اُنہوں نے صنعت کاروں سے متعلقہ اَمور پر خصوصی توجہ دینے کی یقین دہانی کی۔سرمایہ کاروں کو بی آر اے پی کی مکمل شدہ اِصلاحات اور خدمات کے بارے میں بتایا گیا جو کہ سنگل وِنڈو سسٹم پر فعال ہیں ۔ سسٹم کو تمام ترغیبی کیلکولیٹر ، ایس او پی اور کسی بھی سروس کے لئے درخواست دینے کے لئے گائیڈ فلو سے شامل کیا گیا ہے۔سیشن میں سرمایہ کاروں، صنعتی انجمنوں اور تجارتی اداروں کے ساتھ ان کو درپیش مسائل جیسے کہ زمین، بجلی، زمین کے استعمال میں تبدیلی، صنعتی اسٹیٹس، ماحولیاتی منظوری وغیرہ کے حوالے سے بات چیت ہوئی۔اس سے قبل اِس موقعہ پر ڈائریکٹر جنرل صنعت و حرفت انو ملہوترا نے کہا کہ ہم جموں وکشمیر کے تمام سرمایہ کاروں کے ساتھ شانہ بہ شانہ چلنے کے لئے پوری طرح پُر عزم ہیں جو جموںوکشمیر میں صنعتی ماحولیاتی نظام کو فروغ دینے میں ہماری مدد کر رہے ہیں ۔ میٹنگ میں سیکرٹری صنعت و حرفت محکمہ سمیتا سیٹھی ، ایم ڈی جے پی ڈی سی ایل شیو اننت طائل ، ممبر سیکرٹری پولیوشن کنٹرول بورڈ رمیش کمار ، ایم ڈی سیڈ کو / سیکاپ راکیش منہاس ، چیف اِنجینئر جے پی ڈی سی ایل اور دیگر اعلیٰ اَفسران نے شرکت کی۔
