سری نگر/07؍اگست//کشمیر انفو//
لیفٹیننٹ گورنر کے مشیر راجیو رائے بھٹناگر نے چائلڈ ہیلتھ کیئراور حفاظتی ٹیکوں کی کوششوں کو تقویت دینے کی سمت ایک اہم قدم میں آج یہاں 500 بستروں پر مشتمل گورنمنٹ چلڈرن ہسپتال بمنہ میںانٹیسفائیڈ مشن اِندرا دھنش ( آئی ایم آئی ) 5.0 امیونائزیشن مہم کا آغاز کیا۔ آغازی تقریب کا اِنعقاد ڈائریکٹوریٹ آف فیملی ویلفیئر ، ایم سی ایچ اور امیونائزیشن نے کیا تھا اور اِس کا مقصد صفر سے 5برس کی عمر کے اِن بچوں کا اَحاطہ کرنا تھا جو قومی امیونائزیشن شیڈول میں ویکسین سے محروم تھے۔ اِس مہم کا مقصد ان حاملہ خواتین کا بھی اَحاطہ کرنا ہے جنہوں نے ٹیٹنس اَڈلٹ ڈفتھیر یا ( ٹی ڈی ) ویکسین نہیں لی ہے۔مہم کامقصد ان بیماریوں کے خاتمے کے لئے خسرہ اور روبیلا ویکسین کی صد فیصد کوریج بھی ہے ۔ مہم اگست ، ستمبر اور اَکتوبر کے مہینوں میں شروع ہونے والے تین رائونڈ وں میں منعقد کی جائے گی۔مشیر راجیو رائے بھٹناگر نے ڈاکٹر وں کے پیرا میڈیکل سٹاف اور صحت خدمات کے پیشہ اَفراد کے ایک اِجتماع سے خطاب کرتے ہوئے کہا کہ یہ مشن اَمیونائزیشن کو ریج کو بڑھا نے، شہری اور دُور دراز علاقوں میں رہنے والے بچوں اور حاملہ خواتین کو اہم ویکسین فراہم کرنے کے حکومت کے عزم کا تسلسل ہے ۔ اُنہوں نے مزید کہا کہ یہ تقریبا حفاظت ٹیکوں کی کوریج میں کمی کو دور کرنے اور ہر بچے اور ماں کی زندگی بچانے والی ویکسین تک رَسائی کو یقینی بنانے کے لئے نئے عزم کی نشاندہی کرے گی۔اُنہوں نے مزید کہا کہ حکومت جموںوکشمیر کے لوگوں کو صحت کی بہترین سہولیات فراہم کرنے کے لئے پُر عزم ہے ۔اُنہوں نے مزید کہا کہ سہولیات کو ٹریشری کیئر ہسپتالوں سے لے کر ڈسٹرکٹ ہسپتال سے لے کر سی ایچ سیز اور پی ایچ سیز تک مرکوزیت کیا گیا ہے اور لوگ اَب دہلیز پر صحت کی بہترین ممکن خدمات تک رَسائی حاصل کرسکتے ہیں۔مشیر موصوف نے کہا کہ گزشتہ چند برسوں میں جموںوکشمیر یوٹی میں صحت خدمات کو اَپ گریڈ کیا گیا ہے ، عالمی معیار کی طبی سہولیات قائم کی گئی ہیں ،تمام ہسپتال میں پیڈ یا ٹرک آئی سی یو قائم کئے گئے ہیں ۔ اِس کے علاوہ یہاں لائف سپورٹنگ ایمبولینس خدمات بھی دستیاب کی گئی ہیں۔لیفٹیننٹ گورنر کے مشیر راجیو رائے بھٹناگر نے اِس پروگرام کے اِنعقاد کے لئے محکمہ کی ستائش کی اور بچوں کی اَموات کو کم کرنے اور صحت عامہ کی مجموعی بہتری میں حفاظتی ٹیکہ جات کی اہمیت پر زور دیا ۔ اُنہوں نے مزید کہا کہ یہ مشن ناقابلِ رَسائی لوگوں تک پہنچنے اور قابل علاج بیماریوں سے تحفظ فراہم کرنے میں اہم کردار اَدا کر رہا ہے۔ آغازی تقریب کے بعد مشیر راجیو رائے بھٹناگر نے حفاظتی ٹیکوں کی مہم میں بھی حصہ لیا اور شیر خوار بچوں کے والدین اور حاضرین سے بات چیت بھی کی۔ آغازی تقریب کے موقعہ پر ڈائریکٹر ایف ڈبلیو ، ایم سی ایچ اور امیونائزیشن ، ڈائریکٹر ہیلتھ سروسز کشمیر ، ایڈیشنل ڈائریکٹر ایڈز کنٹرول سوسائٹی جے اینڈ کے ، پرنسپل جی ایم سی سری نگر ، ایچ او ڈی ایس ، فیکلٹی، سی ایم او سر ی نگر ، سری نگر کے زیڈ ایم اوز اور امیونائزیشن پارٹنرز جیسے ڈبلیو ایچ او اور یواین ڈی پی ، بڑی تعدادمیں ہیلتھ کیئر پروفیشنل بھی موجود تھے۔
