جموں: لیفٹیننٹ گورنر منوج سِنہا نے آج یہاں راج بھون میں جموںوکشمیر میں سینئر سٹیزن نیشنل ہیلپ لائن ’’ ایلڈر لائن‘‘ ۔14567 کا آغاز کیا۔اِس موقعہ پر لیفٹیننٹ گورنر نے یوٹی بھرکے مختلف حصوں سے 3.25کروڑ روپے مالیت کے موٹرائزڈ ٹرائی سائیکل ، مصنوعی اور دیگر اِمداد بھی تقسیم کی۔اُنہوں نے کہا کہ ایلڈرلائن متاثرہ بزرگوں کو ایک غیر مرکوزیت کال سینٹر ، جذباتی نگہداشت اور مدد ،صحت خدمات اور ضرورت مند بزرگ شہریوں کی دیگر اِمداد کے ذریعے ایک اہم سپورٹ سسٹم کے طور پر کام کرے گی۔اُنہوں نے مزید کہا کہ یہ ٹول فری ہیلپ لائن یوٹی میں اِدارہ جاتی ایلڈر کیئر ایکو سسٹم میں ایک اہم خلا کو پُر کرے گی۔ بتایا گیا کہ جموںوکشمیر مینٹیننس اینڈ ویلفیئر والدین اور بزرگ شہریوں کے لئے رولز 2021 تیار ہوچکے ہیں اور چند دنوں میں مطلع کئے جائیں گے۔ لیفٹیننٹ گورنر نے آرٹیفیشل لیمز مینو فیکچر نگ کارپوریشن آف اِنڈیا ( اے ایل آئی ایم سی او)کی کوششوں کو سراہا جو کہ یوٹی کے جسمانی طور ناخیز اَفراد کو مدد فراہم کرنے اور اسے خصوصی طور پر قابل رَسائی بنانے کے لئے ہے۔سماجی بہبود محکمہ اے ایل آئی ایم سی او کے ساتھ مل کر پنچایتی سطح کے تشخیصی کیمپ لگائے گا تاکہ کسی بھی قسم کی مصنوعی اِمداد کے ضرورت مند اَفراد کی شناخت کی جاسکے اور جموںوکشمیر حکومت اِس بات کو یقینی بنائے کہ تمام اہل اَفراد کو اِس سال کے اَندر مصنوعی اور دیگر اِمدادی سامان مہیا کیا جائے۔لیفٹیننٹ گورنر نے مزید کہا کہ جموںوکشمیر سماجی بہبود محکمہ نے ان لوگوں کا سروے کیا ہے جو موٹرائزڈ ٹرائی سائیکلوں کے محتاج ہیں اور ان سب کا جو بڑھاپے ، بیوہ اور جسمانی طور ناخیز اَفراد پنشن کے اہل ہیں۔ یوٹی حکومت اس سال کے اندر ان فوائد کی تقسیم میں مطمئن ہو جائے گی۔اُنہوں نے کہا کہ تقریباً9لاکھ لوگوں نے مختلف پنشن سکیموں کے تحت فنڈس حاصل کئے ہیں۔ہماری پنشن سکیموں میں 2لاکھ 72ہزار اِضافی لوگوں کو شامل کیا گیا ہے اور یوٹی کی تاریخ میں پہلی بار خواجہ سرائوں کو پنشن فراہم کی گئی ہے۔اُنہوں نے کہا کہ وزیر اعظم نریندر مودی کے نظرئیے کے مطابق ’’ سب کا ساتھ ، سب کا وِکاس ، سب کا وِشواس ‘‘ یوٹی حکومت سماج کے تمام طبقات کی فلاح و بہبود کو یقینی بنانے کے لئے پُر عزم ہے۔لیفٹیننٹ گورنر نے کہا کہ ہم مرکزی حکومت کی تمام 55عوامی فلاح و بہبود کی سکیموں کی صد فیصد تکمیل کی طرف گامزن ہیں تاکہ اِس کے فوائد معاشرے کے ضرورت مند اَفراد تک پہنچ سکیں۔ اُنہوں نے کہا کہ جموںوکشمیر حکومت نے یوٹی میںجسمانی طور مخصوص اَفراد کے لئے نوکریوں میں ریزرویشن کی فراہمی کو یقینی بنایا ہے ۔ اُنہوں نے مزید کہا کہ سماجی بہبود محکمہ نے ضرورت مندوں کو مختلف سطحوں پر ریزرویشن فوائد دئیے ہیں اور اَب خطہ افلاس سے نیچے گزر بسر کرنے والے لوگوں کو سرکاری ملازمتوں میں 10 فیصد ریزرویشن دی گئی ہے۔اُنہوں نے کہا کہ کووِڈ وَبائی مرض کے پیش نظر یوٹی حکومت کی طرف سے ایس اے ایس سی ایم / سکشم سکیم شروع کی گئی ہے تاکہ ان کنبوں کو مالی مدد فراہم کی جاسکے جو کورونا کی وجہ سے متاثر ہوئے ہیں۔اِس کے تحت وہ کنبے جنہوں نے اَپنے روٹی کمانے والا کھودیا ہے انہیں ماہانہ 500روپے پنشن دی جائے گی۔ لیفٹیننٹ گورنر مزید کہا کہ کووِڈ کی وجہ سے یتیم ہوجانے والے بچوں کے لئے 1000روپے اور خصوصی وظائف کا اِنتظام کیا گیا ہے ۔ اس کے علاوہ دیگر سماجی بہبود کی سکیموں کے فوائد ان تک پہنچائے جائیں گے۔اُنہوں نے مزید کہا کہ سماجی بہبود محکمہ نے ایک خصوصی سیل تشکیل دیا ہے جو زندگی بھر ان کی مدد کے لئے مناسب طریقے سے کام کرے گا۔ اِس موقعہ پر لیفٹیننٹ گورنر کے مشیر فاروق خان، چیف سیکرٹری ڈاکٹر ارون کمار مہتا ، سیکرٹری سماجی بہبود محکمہ شیتل نندا، صوبائی کمشنر جموں ڈاکٹر راگھو لنگر ،ضلع ترقیاتی کمشنر جموں اَنشل گرگ ، ناظم سماجی بہبود وویک شرماکے علاوہ محکمہ سماجی بہبود کے سینئر اَفسران موجود تھے۔
