بارہمولہ: آزادی کا امرت مہوتسو کے ایک حصے کے طور پر مرکزی وزیر مملکت برائے تعلیم ڈاکٹر سبھاش سرکار نے آج گلمرگ کا دورہ کیا جہاں انہوں نے 152 ویں یومِ پیدائش کے موقع پر ’ سوچھ بھارت ابھیان ‘ کے ایک حصے کے طور پر صفائی مہم کی قیادت کی ۔ مہاتما گاندھی کا سوچھ بھارت مہم کا آغاز ڈائریکٹوریٹ آف سکول ایجوکیشن کشمیر نے کیا ۔ شروع میں وزیر نے صفائی کی خوبیوں پر زور دیتے ہوئے کہا کہ گاندھی نے ہمیشہ ایک صحت مند اور مہذب معاشرے کی ترقی کیلئے صفائی کو ایک لازمی جزو کے طور پر دیکھا ۔ انہوں نے والدین اور اساتذہ پر زور دیا کہ وہ چھوٹی عمر میں بچوں میں اچھی حفظان صحت کو برقرار رکھنے کی عادت ڈالیں تا کہ یہ عادت ان کی شخصیت میں شامل ہو ۔ اس موقع پر ڈاکٹر سرکار نے کہا کہ اگرچہ جموں و کشمیر مین مائع فضلے کو ٹھکانے لگانے کا اچھا نظام ہے تا ہم سالڈ ویسٹ منیجمنٹ کیلئے اقدامات کی ضرورت ہے ۔ انہوں نے کہا کہ حکومت مختلف سائینسی طریقوں کو جاننے کی کوشش کر رہی ہے جن کے ذریعے اس مسئلے کو جلد از جلد حل کیا جا سکتا ہے ۔ وزیر نے اپنی تقریر میں متعلقہ حکام کو 2 اکتوبر 2022 کو گاندھی جینتی کے موقع پر اگلے سال تک پلاسٹک سے پاک گلمرگ کو یقینی بنانے کی بھی ہدایت دی ۔ دریں اثنا وزیر نے دیگر معززین کے ساتھ کھادی اینڈ ولیج انڈسٹریز بورڈ کے لگائے گئے مختلف سٹالز کا معائینہ کیا جہاں انہوں نے کڑھائی کی شالوں اور دیگر کپڑوں کا معائینہ کیا ۔ یہ بات قابلِ ذکر ہے کہ ڈاکٹر سبھاش سرکار مرکزی حکومت کے خصوصی آؤٹ ریچ پروگرام کے ایک حصے کے طور پر بارہمولہ کے دورے پر ہیں جس کا مقصد علاقے میں ترقیاتی سرگرمیاں انجام دینے کے علاوہ معاشرے کے مختلف طبقوں سے عوامی رائے حاصل کرنا ہے ۔ اس موقع پر ڈائریکٹر سکول ایجوکیشن کشمیر تصدق حسین ، ایڈیشنل سیکرٹری سکول ایجوکیشن نصیر احمد وانی ، چیف ایگزیکٹو آفیسر گلمرگ ڈیولپمنٹ اتھارٹی ظہور احمد رینہ بھی موجود تھے ۔
